القائمة الرئيسية

الصفحات

أخر المقالات

تحميل وشرح برنامج كلك 2010 وكيفية التصدير للفوتوشوب |Kelk2010

تحميل وطريقة إستخدام برنامج كلك 2010 وتصدير المخطوطة للفوتوشوب بالطابعة الوهمية


طريقة تحميل وإستخدام برنامج كلك 2010
برنامج كلك هو برنامج غير مجانى مُخصص لنسخة الحاسوب , انتجته شركة sinasoft الإيرانية عام 2010 خاصاً ليساعد المصممين فى محاكاة رسوم الخطوط العربية الحُرة وكأنك خطاط محترف فى رسم الخطوط الحُرة , كما انه متاح الكثير من الزخارف والتشكيلات لوضعها على الخط .

 وقد تعاون نخبة كبيرة من أشهر خطاطي اللغة العربية الحُرة مع حوالى 35 خطاط عالمى أتراك وعرب , وكلمة (كلك) فارسية الأصل وتُعنى قلم الخطاط المُستخدم وبمعنى أخر تعنى (الريشة) .

 مميزات البرنامج

  1. سهل جدا من حيث التعامل فبخطوات بسيطة جدا تصنع مخطوطة رائعة
  2. متوافق مع جميع إصدارات الويندوز بداية من Window XP
  3. تستطيع تصدير أعمالك لأكثر من 12 امتداد مختلف مثل EPS - JBG - TIF والكثير
  4. البرنامج له أكثر من لغة منهم العربية
  5. تستطيع تصدير اعمالك للفوتوشوب والإليستريتور عبر الطابعة الوهمية كما سنشرح اليوم

الخطوط التى يقدمها البرنامج

يقدم البرنامج الكثير من الخطوط العربية الحُرة منها النسخ والرقعة والثلث والفارسى والديوانى والكوفى والكثير ستكتشفه عند الإستخدام .

شرح تشغيل البرنامج

عند تحميل البرنامج (الروابط بالأسفل) ستجد ايقونة البرنامج كالتالى

*النسخة دى نسخة كاملة محمولة مش محتاجة تثبيت*
نضغط عليها كليك يمين Right Click ثم نختار Run as Administrator تشغيل كمسئول


بعد كدا هنلاقى البرنامج الواجهة بتظهر قدامنا زي كدا

بعد كدا هنلاقى البرنامج فتح معانا بالمنظر دا

نضغط Ctrl + E عشان نبدأ نكتب حاجة جديدة


انا هنا مثلا كتبت اسمى وإختارت نوع الخط رقعة


وهنا كمان عملت التشكيل الصحيح لاسمى

طيب دلوقتى انا عايز المخطوطة دى على الفوتوشوب هنعمل ايه ؟
بص يا باشا هتحمل برنامج الطابعة الوهمية (الروابط بالأسفل) ودى ايقونته
هنشغل منها ونعمل تثبيت ونختار Setup زى مافى الصور
وهنا نختار اللغة الإنجليزية مثلا
نعلم علامة صح انك موافق على الشروط ونضغط Install
كدا خلاص البرنامج اتثبت هنضغط Finish
هنرجع بقى للبرنامج ونظبط إعدادات المخطوطة
يعني مثلا لو عايز اظبط مقاس الـ Artboard وهخليه A3 هنعمل كدا

ومثلا لو عايز اظبط حجم المخطوطة ومقاسها فى الـ Artboard هنعمل كدا

بس كدا دا الشكل النهائى

طريقة تصدير المخطوطة للفوتوشوب

هنا بقى أهم حتة دلوقتى هنضغط على أيقونة الطابعة Print
هيطلعلنا الواجهة دى نختار منها Print Setup
بعد كدا نختار PDFFactoryPRO ونضغط Preferences
من هنا نختار المقاس وجودة الصورة وتفاصيل تانية كتير بعد كدا نضغط OK
نرجع تانى للواجهة دى ونضغط Print
هيرجعنا لأول حاجة ظهرتلنا هندوس Print برضو

هيفتح معانا برنامج PDFFactoryPRO هنكتب السيريال ونضغط OK
*السيريال مُرفق مع ملف البرنامج بعد التحميل*
هنا هيجيلنا رسالة ان البرنامج دلوقى نسخة مدفوعة
دلوقتى عندنا 3 اختيارات :
  1. اول حاجة نفتحه عن طريق اى برنامج بيقرأ ملفات الـ pdf لو موجود عندك
  2. تانى حاجة نحفظ الملف كأنه PDF ودا اللى هنعمله فى الشرح
  3. تالت حاجة اننا نطبعه عادى على اى ماكينة طباعة
انا اختارت انى اعمل Save على انه PDF
هجرب افتح ال PDF دا على الفوتوشوب واظبطه مقاساته
ودا الملف بالمقاس اللى اخترناه والمخطوطة فتحت معانا على الفوتوشوب

تحميل برنامج Kelk 2010


تحميل برنامج PDFFactorypro الطابعة الوهمية


بص بقي يا معلم خدمة لأخوك 😎❤️
 لو عجبك طريقة الشرح ❤️ والموضوع قولى في الكومنتات ,
او لو عوزت اي شرح لأى حاجة تانية قولي برضو ف الكومنتات ❤️😂
واشترك بالموقع عشان تدعمنا 😍
reaction:

تعليقات